Skagafjörður

Blandaður úrgangur, til urðunar, frá heimilum í Skagafirði minnkaði um 56% frá 2022 til 2024. Þetta samsvarar um 315 tonna CO₂ lækkun. Þetta er ánægjuleg niðurstaða umbyltingar í sorpflokkun og útvíkkunar þjónustu sem nær til héraðsins alls.

Loftlagsstefna Skagafjarðar er byggð á eftirfarandi meginþáttum;

Útreikningur á kolefnisspori
Grænu skipulagi Skagafjarðar
Uppbyggingu vistvænna samgangna

Sveitarstjórn ber ábyrgð á stefnunni. Stefnan uppfærist á fimm ára fresti.

Yfirmarkmið: Skagafjörður verði kolefnishlutlaus 1. janúar 2030. Þetta mun þýða lækkun upp á um 380 tonn af CO₂ á ársgrundvelli eða lækkun um 95 tonn af CO₂ á hverju ári fram til 2030.

Gildandi loftslagsstefna: hlekkur

Gildandi aðgerðaáætlun: Skagafjörður hefur ekki sett upp aðgerðaráætlun en hefur nýlega hafið samtal við SSNV og sveitarfélögin í Húnavatnssýslu um hvort sameinist eigi um slíka áætlun.

Í aðalskipulagi Skagafjarðar eru ákveðin markmið í endurskoðuðu aðalskipulagi Skagafjarðar 2020-2025:

Nýting náttúruauðlinda byggi á bestu fáanlegu tækni og þekkingu til að tryggja eins og kostur er sjálfbæra nýtingu þeirra.
Bætt orkunýting.
Að standa vörð um gott ræktarland og landbúnaðarland, með skýrum ákvæðum um umfang og fyrirkomulag uppbyggingar á landbúnaðarlandi.
Að draga úr magni úrgangs til förgunar og umfangi urðunar. Auka endurvinnsluhlutfall úrgangs og jarðgerð, sbr. markmið svæðisáætlunar um meðhöndlun úrgangs.

Reynsla og ráðleggingar:

Mikið átak hefur verið gert í uppbyggingu rafhleðslustöðva og útlit fyrir að slíkar verði komnar í alla þéttbýliskjarna Skagafjarðar á árinu 2026. Í dag eru slíkar stöðvar í Varmahlíð og á Sauðárkróki. Útlit er fyrir að rafhleðslustöðvar verði fljótlega komnar upp við margar sundlaugar/íþróttamannvirki sem sveitarfélagið rekur.
Sveitarfélagið rekur almenningssamgöngur yfir vetrartímann á Sauðárkróki og er með frístundastrætó 2 sinnum í viku yfir vetrartímann á milli helstu þéttbýliskjarna héraðsins til að stuðla að aukinni virkni barna í íþróttum og tómstundum og til að koma til móts við „skutlþarfir“ foreldra, sem aftur ætti að geta dregið úr kolefnisútblæstri.
Breyting á gjaldskrá Skagafjarðarveitna 2025, þar sem gerð er krafa um orkunýtingu til stórnotenda.
Tveir rafmagnsbílar eru í bílaflota sveitarfélagsins, m.a. nýr sendibíll Þjónustumiðstöðvar, keyptur 2024. Hafa þeir reynst mjög vel. Unnið er að leiðum til að fækka bílum í flotanum.
Að einblínt sé á þætti sem sveitarfélagið hefur yfirráð yfir og byrjað á einföldustu aðgerðum, – þeim sem skila mestum árangri. Forðast að dragast inn í þætti sem snúa að öðrum aðilum, nema þess gerist þörf.
Gunnar Páll Ólafsson, verkstjóri Þjónustumiðstöðvar, gunnarpall@skagafjordur.is hefur verið vakinn og sofinn í að leita leiða til að endurnýja og fækka bílum í bílaflota Skagafjarðar.

Tengiliður: Gunnar Páll Ólafsson, verkstjóri Þjónustumiðstöðvar, gunnarpall@skagafjordur.is

Myndir af aðgerðum

Gunnar Páll, verkstjóri Þjónustumiðstöðvar og Sigfúr Ingi, sveitarstjóri hjá nýja rafbílnum.

Síðast uppfært: 26.09.2025