Loftslagsvænni sveitarfélög

Verkfærakistu sveitarfélaga í loftslagsmálum er ætlað að styðja sveitarfélög við að setja sér loftslagsstefnu og að verða loftslagsvænni. Í þessari verkfærakistu er að finna ýmis tól og fróðleik sem gerir sveitarfélögum kleift að meta losun sína og setja sér viðeigandi markmið og aðgerðir í loftslagsmálum, sem er grunnur fyrir mótun árangursríkrar loftslagsstefnu.

Á innri gátt fyrir sveitarfélög má finna losunarreikni sniðinn að rekstri sveitarfélaga. Með þessum reikni geta sveitarfélög haldið losunarbókhald fyrir rekstur sinn og kortlagt hvar losun á sér stað. Þar með geta sveitarfélög mótað sér mælanleg markmið og viðeigandi aðgerðir til að minnka losun gróðurhúsalofttegunda. Losunarreiknirinn gerir sveitarfélögum einnig kleift að fylgjast með árangri af innleiðingu loftslagsstefnu og forgangsraða aðgerðum í samræmi við niðurstöður.